Rehn: Maqedonia po përparon

Komisari evropian për Zgjerim, Olli Rehn, pas një takimi që ka zhvilluar të enjten në Bruksel me zëvendëskryeministrin e Maqedonisë për çështje evropiane, Ivica Bocevski, dhe shefin e diplomacisë, Antonio Milloshoski, theksoi se Maqedonia ka bërë përparim në përmbushjen e kushteve të vendosura për fillimin e negociatave për anëtarësim në BE.

Rehn, siç bën të ditur agjencia MIA, theksoi se Maqedonia është vend i cili ka bërë më së shumti në rajon për të arritur liberalizimin e vizave, para se gjithash me pasaportat biometrike, sistem funksional kombëtar të vizave, kontroll të integruar kufitar dhe në luftën kundër tregtisë me njerëz, krimit të organizuar dhe korrupsionit.

Së shpejti, sipas kësaj agjencie, Rehn ka thënë se qytetarët e Maqedonisë do të mund të udhëtojnë në BE pa viza.

Rehn me mysafirët nga Shkupi ka biseduar edhe për dialogun politik, për kohabitacionin dhe për gatishmërinë e të gjitha institucioneve për punë të përbashkët në procesin e euro-integrimeve.

Nga Telegrafi