Dragoni i Vetmuem

DRAGONI I VETMUEM (MITRUIZA)

Nji Dragon nga Mitruiza
po lufton me shpat' e shtiza;
Po e lan' vet' Dragojt o tjer',
n'tjatër sofër po pijn' verë;

Sofra e baljozit me verë asht' plot,
asht' mjalt' për shkja e për shqiptar barot;
S'ju vjen turp Dragona t'gjallë,
trupin tonë na e lat' meu kallë.

Por nji Dragon po e run' nderin,
racave t'hueja po ua kallzon ferrin;
Se den baba den ky vend asht' kanë,
asht' e do t'jet' kasap për dushmanë.

Me bekim t'Zotit n'flage t'baljozit nisem,
o t'ngadhnjej o t'shkrihem, t'digjem;
Por kur digjem si murtajë shpërthej,
jam Dragua arbnor' - gjithmon' ngadhnjej!

Dragojt o tjerë Shqiptar' po hiqen,
e n'sofra t'tyne kingja piqen;
Me lëkurëzi po hanë e pinë,
Kosoves nanë ia harruen verinë.

Ky shkja me gozhdë t'hekurt grrith',
ia grrith fytin Kosovës e koken ia lith.
Se pjes'n e epërme t'trupit tonë,
sikur trofe me e mbajt po donë!

Dragoni jonë n'njat veri,
gjymtyr' coptuem e trupin hi;
Kryet nalt o po e mban,
kambt si rranj' n'vatan po'i mban.

E ky dushman pa din e iman,
pa ftyrë e besë kufi po m'ban;
E po'i blen me argjend e ar',
k'to tokat tona margaritarë.

Ky dushman pa din e iman,
n'xhep o t'vogel po na i mban,
artistë, juristë e politikanë,
ata që folin n'emën t'kombit tanë!

Kur do qohemi meu ndryshue,
kur njani derdh gjak tjetri me'i ndihmue,
se pa dro, pa ftyrë e nder',
Dragojt o tjer' jan tuj pi verë.

…shkruar nga Senton Kaçaniku

Read more...

Gjurmët

Ndigo Gjurmet

Powered by eSnips.com

Mundesuar nga rruga02

Read more...

Mungesa e Rock’n Rollit si mungesë e Shqipërisë Etnike !

Pse nuk ka Rock’n Roll shqiptar në Maqedoni? Nga kjo lind menjëherë pyetja tjetër se pse nuk ka gazetar special për muzikë të cilët do ta shikonin se në qfarë situate është Rock’n Rolli shqiptar në Maqedoni. Po tash na paraqitet një mungesë e dy palëve ,mungesë edhe e artistëve të cilët miren me këtë muzikë dhe gjithashtu mungesë e këtyre gazetarëve. Gazetar nuk ka për shkak se nuk ka se cfarë të shikohet se cfarë të analizohet. Derisa në vendet tjera ka një numër tepër të madh të Rock- grupeve , dhe mandej shpallet grupi i vitit , shpallet grupi më i sukseshëm me punën që e kanë treguar. Dmth kur ke se qfarë të zgjedhësh kur ke grupin më të mirë ekziston një e vertetë të besohet se pse ka një interesim tepër i madh tek të rinjtë që të studijohet gazetaria -,,dega e muzikes”.
Kur flitet për “Rock’n Roll shqiptar “ vimë në përfundim të një ndarje. Derisa tek shqiptarët nga Kosova qysh në vitet e 80-ta ka pasur nje sërë rock-grupe , tek shqiptaret nga Maqedonia kohët e fundit janë paraqitur dy apo tre grupe. Në Kosovë ka traditë te rock muzikës , aty ka kualitet , aty numri tepër i madh i këtyre artisteve nuk din njeriu se cilët ti ndëgjon , krejt kjo është vetëm nga tradita e tyre e hershme. Aty ka grupe të cilët marin pjese në koncerte të mëdha , në vende të ndryshme europiane. E vlen të përmendet patjeter grupi Jericho nga Prishtina që përbëhet nga këngëtari dhe kompozitori, Petrit Qarkagjiu (Rrusta) . Jericho kanë marë pjesë në Londër në kuadër të shpërblimit që fituan në koncertin Ritëm e Pop 2002 në Prishtinë. Shpërblimi përfshinte një koncert para publikut londinez, regjistrimin e një CD-je në studion e famshme të BBC-së S6 si dhe një vizitë në Top of the Pops ku regjistrohet një nga programet më të famshme të top listave botërore.
Parashtrohet pyetja pse shqiptar , me nje gjuhë me një flamur me një identitet por me një dallim tepër të madh të Rock’n Roll –it? Shqiptar një jemi, Skenderbeu është i të gjithëve, Nëna Terezë është i të gjithëve , por pse Rock’n Roll-i ndokund është më i zhviluar me tradite të madhe e ndokund fare pa kurfarë tradite? Pse reagimet e njerëzve ndaj një rokeri në Kosovë janë krejtesisht ndryshe se nga reagimet e shqiptareve të Maqedonisë po tek i njëjti roker. Kesaj pyetje të fundit pergjigjen e gjejme tek shpjegimi më lart, normal është se me një vend ku ke traditë 30 vjeqare , dhe me një vend që sapo ka filluar të kultivohet po ajo traditë , do jenë te ndryshme. Derisa sa tek shqiptarët e Maqedonisë dihen me gishta njerëzit te cilët miren me këtë muzikë , tek shqiptarët e Kosoves nuk dihet numri i grupeve që miren me këtë muzikë , për shkak se është shumë i madh. Po tash duke I shikuar faktet historike , se flasim një gjuhe pa kurfarë dallimi , si mundet që të ketë dallim kaq i madh i kultivimit të kësaj muzike, nga kjo nënkuptojmë që sigurisht që edhe ne (nga Maqedonia ) kemi qenë pjesë e lojës. Se kemi qenë ndonjehere bashk , por me ndikimin e disa faktorëve ka ardhur deri tek ndarja yne , ndarje qe solli deri tek ndarja jonë kulturore , duke lënë një kulturë gjysëm të zhvilluar e një kulturë që sapo ka filluar. Siq thonë “fjalët e popullit, gjysma janë të vërteta” . Flitet teper për një bashkim kombëtar të shqiptarëve. Se të gjithë shqiptarët do bëhemi një, e njohur sikur “Shqiperi Etnike “ . Me këtë bashkim , nuk do bashkohen vetëm populli shqiptar si një bashkësi , por do të bashkohen edhe kulturat shqiptare të ndara. Më edhe Rock’n Roll-i shqiptar do bëhet një, do të kemi më të mirin në Rock’n Roll dhe më të mirin në të gjitha sferat. Do të kemi një flamur, do të kemi një abetare , do të kemi një gjuhë standarde , me të cilën gjuhë do të shkruhen libra , do të mesohet nëpër shkolla , do të flitet nëpër media , mandej dotë kemi një lidhje të shkrimtareve. Do të vjen deri te fuqizimi i të gjithë shqiptarëve pa dallim se nga janë për shkak se më do ishin një. Gjendja e Rock’n Rollit tek shqiptarët e Maqedonisë , vetëm me këtë bashkim do te ngritej , dhe normal mandej të tregoj kualitetet e veta jo më si shqiptar i Maqedonisë , por si shqiptar I Shqiperisë Etnike. Rock’n Rolli në pergjithësi ka filluar në fillim të viteve të 60-ta, kurse ai shqiptar ka filluar në fillim të viteve të 80-ta, bile konsiderohen si vite të arta të Rock’n Rollit shqiptar. Nga kjo del përfundimi se Rock’n Roll-i nuk është i vonuar, përkundrazi me “kohë” futet në listen e viteve të arta të Rock’n Rollit botëros.

Benjamin R.

Read more...

“Naiviteti” i pafund!

Pritet që së shpejti në R. e Maqedonise të mbahen zgjedhjet presidenciale. Duke u bazuar nga përvoja e mëparshme, votat shqiptare për kryetarin e ardhshëm të këtij shteti janë jashtzakonisht të vlefshme. Në të gjitha zgjedhjet presidenciale këto vota kanë qenë vendimtare. Prandaj lojërat politike jane shumë aktive para zgjedhjeve. Si zakonisht ne këtë mes futen edhe partitë politike shqiptare, të cilat vrapojn për të përfituar dicka në këto ujëra politike. Shqiptarët kanë zgjedhur tre kryetar shteti në R.M, por asnjëri nuk ka qenë kryetar që ka pas parasysh interesat e shqiptarëve.

Para disa diteve, nga kryetari i BDI-se, Ali Ahmeti u shfalosë ide për kryetarin e shtetit. Qëllimi ishte që të arrihet një marveshje me VMRO DPMNE-në (partia në pushtet) që në vitin 2014 presidenti të jetë shqiptar. Ky propozimi ishte kulminacioni i “naivitetit” të partisë shqiptare që është në pushtet. E themë këtë sepse për tu realizuar kjo marveshje është shumë e vështirë, po thuaj se e pamundur. Në realitet ka vetëm një mënyrë që të mundësohet presidenti të jetë shqitpar. Në rast se ai zgjidhet nga parlamenti. Në të kundërtën nëse presidenti zgjidhet drejpërdrejt nga votat e qytetatrëve (sikur është tani), edhe sikur VMRO-ja ta mbështeste kanditatin e BDI-së (shqiptar), nuk do ta mbështesnin votuesit e tyre. Të gjithë e dinë se maqedonasit janë më të gatshëm të mbështesin kanditatin e LSDM-së (parti opozitare maqedonase) se sa kanditat shqiptar, ose me parë do ta mbështesnin secilin vetëm të mos jetë shqiptar.

Problemi tejtër është se kush i garanton BDI-së, që edhe në vitin 2014 VMRO-ja do ta ketë shumicën apsolute. Po sikur të vinte parti tjetër në pushtet me siguri, si është zakon te klasa politike shqiptare në Maqedoni, do të duhej që të arrihet edhe një kompromisë me partinë tjetër maqedonase. Në atë rast sigurisht që zgjidhja e presidentint do të shtyhej për vitin 2019. Kështu kompromis pas komporomisit cështja shqiptare në R.Maqedonis po mbetet e pa zgjidhur. Prandaj mendoj që ky probozim është vetëm mareketing politik, që te mashtrohen shqitparët kinse BDI-ja po bënë dicka në interes për ta. I vetmi kompormis për ta mbështetur VMRO DPMNE-në në zgjedhje për kryetar shteti është që kryetari i paralamentit dhe një nga tre ministritë kryesore (Punëve të mbrendshme, Mbrojtjes, Jashtme) ta kenë shqiptarët, ky do të ishte kompromisi i duhur. Cdo zgjidhje tjetër do të ishte gabim politik që do të duhej të ndëshkohet me votat e qyetetarëve. Tash kur BDI-ja nuk mundet ta merë postin e kryetarit të parlamentit, se nuk ja lejon VMRO-ja kanë vendos që të dilet me një kërkes të re, që nuk është asgjë tjetër vec se gënjeshtra e radhës e partisë shqiptare në pushtet.

Read more...

Skenderbeu i Partizum

Skenderbeu i partizum- Po jetojmë në një ,,partiotizem" të vërtet. Numri i partiotave vetëm po rritet po patriotat ku jane? Mos valle jane fshehur ndokund , apo fare nuk i kemi. Si duket kjo e dyta mund te jete e verteta. Mjaft më me këtë partiotizem te mallkuar,nuk mbet asgjë po u partizuar, nuk mbet asgje.Femijet e partizuar , nenat e partizuara githqka.Del jashte per tu shetitur neper ajer te pastert po qfare te shohish merr oksi-partogjen dhe liron dioksid-partogjen. Era partiotizm, nuk po durohet. Shkon ne treg
krejt njerezit te njofin se ciles parti I takon, sikurse ne ballin tone te shkruante se ciles parti I takojme dhe kuptohet nese partia e shitesit dhe partia bleresit ishin te njejta aty do të ketë mirekuptim, ne disa raste shitesi nga gezimi qe I erdh nje bleres me partine e tij te dashur do ta jepte mallin –speca domate, qepë pa te holla. Zakonisht nese shkon te berberi do te kete ndonje para teje dhe ti e pyet berberin se a ka ndonje tjeter pas ketij ? Zakonisht thone po ose eja pas gjysem ore, por nese je I partise se tij te preferuar ti je I pari aty . Keshtu fati e don kete pune.
Shpresa ishte vetem te figurat e medhenj kombetar , nje prej tyre edhe Skenderbeu. Por si duket edhe figura me legjendare shqiptare u partizua. Kjo qe ndodhi as fjala turp nuk meriton te perdoret. Kjo eshte krejt sepse po jetojme ne nje partiotizem e jo ne patriotizem. Dallimi te keta dy terme eshte vetem ndrimi i dy shkronjave por kuptimin e ka shume te madh. Nese jeton ne komunizem duhet ti permbahesh rregullave te komunizmit e nese jo dihet.Eshte e njejta kur njeriu jeton ne partiotizem kuptiohet ne krye me partiotat atehere nuk eshte qudi qe edhe Skenderbeu te partizohet. Mungon vetem edhe nje kapele ti vëndohet ne krye , sikur ato kapela parazgjedhore me emrin e partise : BDI apo D Re. Ky eshte propozimi im që mos te zihen më populli shqiptar. Le ti vendohet nje kapele ne krye Skenderbeut dhe te dihet se i kujt eshte. Ta din populli. E pastaj kur te vendohet kapela ne krye , per gjysmen e popullit Skenderbeu nuk do të ishte figure legjendare dhe kombetare , mandej cila parti politike eshte ne pushtet ne librat shkollor ajo parti politike e cila eshte ne pushtet dhe emri i partise se ciles nuk eshte ne kapelen e Skenderbeut , ajo parti nuk do ta fut ne planprogram shkollor te historise fare Skenderbeun po do ta fut ndonje figure te shekullit 21 ndonje figure qe u konvenon atyre dhe jo figuren qe duhet mesohet por figuren qe e ka sjelle figuren. Tash ketu nuk po mundet të kuptohet lufta partiake, se I kujt eshte Skenderbeu eshte nga dashurija e madhe per te apo qka ? Nese eshte dashurija e madhe ndaj kesaj figure legjendare atehere duhet ta dihet se qka ishte deshira e kesaj figure? Ne kohen e tij kapela me emblema parazgjedhore nuk ka pasur. Si, tash pas 5 shekujve ti vendohet kapele si mundet ? Nese i vendohet kapele ateher duhet te shkohet ne Shqiperi per ta marë njeriutna adekuat I cili e kishte filluar kete pune qe ta rekunstruoje figuren e Skenderbeut dhe t’ia vëndon nje kapele. Pastaj prap pas kater viteve prap te njejten gje vetem kete here duhet vetem emrin e partise te ndrohet . Keshtu nje dite do te vjen deri te shkatrimi I krejt permendores se Skenderbeut, rruga drejt zhdukjes së tij. Nje gjenerate do të din gjithqka per të, nje gjenerate fare , po kush ishte Skenderbeu se?!

Read more...