Kurti: Maqedonia nuk dëshiron t'i prishë marrëdhëniet me Serbinë

"Maqedonia nuk e njeh Kosovën sepse nuk dëshiron që t'i prishë marrëdhëniet me Serbinë. Ka një linjë të fuqishme tradicionale pro-Beogradit që vepron në politikën shtetërore të Maqedonisë. Maqedonia do që njohja e Pavarësisë së Kosovës të mos i kushtojë me dëmtimin e marrëdhënieve me Serbinë", ka thënë për agjencinë e lajmeve "Ina" udhëheqësi i Lëvizjes "Vetëvendosje", Albin Kurti.

Sipas Kurtit, arsyeja tjetër është se Maqedonia duke e ditur se Qeveria e Kosovës është shumë e dobët dëshiron që të përfitojë sa më shumë nga Kosova para se ta njohë atë, ndërsa kërkesa për njohjen paraprake të Maqedonisë me emrin Maqedoni është veçse fillimi.

Kurti ka folur edhe për çështjen e Mitrovicës duke thënë se Qeveria e Kosovës në vend se të merret me integrimin e Mitrovicës merret vetëm me njohjet e pavarësisë së Kosovës dhe, për më keq, angazhohet për decentralizimin e Anamoravës.

Nga Telegrafi